2024 елда ТР ИВФ СҮФ белән уртак программалар буенча хупланган проектлар санын икеләтә арттырды
Татарстан Республикасының Инвестиция-венчур фонды 2024 елның беренче яртыеллыгы йомгаклары буенча сәнәгать предприятиеләренә хупланган заемнар суммасын икеләтә арттырды.
2016 елдан ТР ИВФ Татарстан Республикасы территориясендә сәнәгатьне үстерү төбәк фонды вәкаләтләренә ия. Сәнәгатьне үстерү фонды белән берлектә ИВФ импортны алмаштыруга һәм гражданлык билгеләнешендәге конкурентлыкка сәләтле продукция җитештерүгә юнәлдерелгән проектларга ташламалы заемнарга финанслар бирә.
Беренче яртыеллыкта 707 млн.сумлык 4 проект финанслауга хупланган, шул исәптән ТР ИВФ акчалары исәбенә – 70,7 млн.сум. Проектларны финанслау шулай ук Татарстан Республикасы Сәнәгать һәм сәүдә министрлыгы тарафыннан да хупланды.
307 млн.сумлык ике проект инде финансланды. Бу – йөк автомобильләре һәм автобусларның гардан валлары җитештерү компанияләре, тормоз системасы һәм асма автокомпонентлар җитештерү. Татарстан Республикасы Инвестиция-венчур фонды тарафыннан финанслау суммасы 30,7 млн.сум тәшкил итте.
2023 елда ТР ИВФ һәм СҮФ уртак программалары буенча 358 млн.сумлык 4 проект финансланды, алар арасында SPC идән япмалары (таш-полимер ламинат) җитештерү предприятиесе дә бар. Проект кысаларында компания технологик җиһазлар сатып ала һәм ныклык һәм суга чыдамлык характеристикалары яхшыртылган заманча SPC ламинат җитештерүне оештыра.
2023 елда финансланган тагын бер проект – импортны алмаштыручы һәм аккумулятор батареяләре җитештерү заводы. Яңа аккумуляторлар EFB (Enhanced Flooded Battery – яхшыртылган батарея) технологиясе буенча җитештерелә һәм стандарт кургашлы-кислоталы аккумуляторларга караганда югарырак дәрәҗәдә ышанычлылык һәм җитештерүчәнлек тәэмин итә. ТР ИВФ инвестицияләре ел саен импорт аналогларыннан калышмаган 80 мең берәмлеккә кадәр заманча аккумулятор батареяләре чыгарырга мөмкинлек бирәчәк.
ТР ИВФ тарафыннан сәнәгатьне үстерү төбәк фонды сыйфатында эшчәнлек алып бару чорында сәнәгать өлкәсендә 15 инвестиция проекты финансланды, аларның гомуми инвестиция бюджеты 2,2 млрд.сум тәшкил итә. Сәнәгатьне үстерү фонды тарафыннан финанслау 1 миллиард сумнан артык. Татарстан Республикасының Инвестиция-венчур фонды 268,3 миллион сум акча бүлеп бирде.
Финанслауны автомобильләр һәм көнкүреш техникасы өчен компонентлар җитештерүчеләр, электр җиһазлары, медицина препаратлары, аяк киемнәре, бетоннан эшләнгән әйберләр, идән япмалары һәм үсемлекләрне саклауның биологик чараларын җитештерүче предприятиеләр алды.
Инвестиция акчалары берничә чыганактан, шул исәптән проектны финанслауга гариза бирүчеләрнең үзләреннән, Сәнәгатьне үстерү фондыннан һәм Татарстан Республикасы Инвестиция-венчур фондыннан килә.