«Чжухай Яньсюэтан/Мәгариф технологияләре» ҖЧҖ (ZhuhaiLanguage Sky Education Technology Co., Ltd.)
«Чжухай Яньсюэтан/Мәгариф технологияләре» компаниясе (ZhuhaiLanguage Sky Education Technology Co., Ltd.) XVIII Россия венчур форумы кысаларында үткәрелә торган «Мәгарифкә инвестицияләр: халыкара хезмәттәшлек мөмкинлекләре һәм перспективалары» түгәрәк өстәленең партнеры булып тора (РВФ – 2024).
Компания оешканнан бирле укытуның нәтиҗәлелегенә һәм сыйфатын арттыруга юнәлдерелгән белем бирү хезмәтләре күрсәтүгә махсуслаша.
«Чжухай Яньсюэтан/Мәгариф технологияләре» (Language Sky) – мәгариф өлкәсендә уңышлы инкубацион проектларның берсе, ул нигездә Кытайның һөнәри мәктәпләре белән хезмәттәшлек итә, укучыларга БДИ тапшыру өчен инглиз теле урынына рус, япон, француз һәм башка кече телләрне өйрәнергә ярдәм итә. Компания беренчеләрдән булып телләр укыту өчен интеллектуаль сыйныфны башлап җибәреп, шулай ук мәктәпкә турыдан-туры килеп кергәнгә, укыту җитешсезлеген капларга ярдәм иткәнгә күрә, компания тиз үсә һәм хәзер мәгариф өлкәсендә мөһим урын алып тора.
2019 елда компания беренче тапкыр интеллектуаль укыту өчен иң яңа программа тәэминаты – «Умный класс» кулланган. Әлеге программа Кытайның мәгариф министрлыгында теркәлгән һәм Гуандун Хөкүмәтенең Мәгариф департаменты тәкъдим иткән мәктәпләрдә уку өчен кушымталарның төп исемлегенә кертелгән.
Алга таба, Кытай – Россия мөнәсәбәтләрен ныгыту белән компания рус телен һәм кече телләрне өйрәнү өлкәсендә генә түгел, ә уртак белем бирү программаларын һәм технологияләрен эшләүдә дә катнашырга планлаштыра.