ТР ИВФ һәм ЕИҮ Акселерация программасына һәм Старт-2 буенча гаризалар кабул итүне 10 февральгә кадәр озайта
Татарстан Республикасының Инвестиция-венчур фонды Евразия инновацияләр үзәге белән берлектә башлангыч стартапларга ярдәм итү программаларына: Акселерация программасына һәм Старт-2 буенча гаризалар кабул итү чорын 2023 елның 10 февраленә кадәр озайта. Проектларны кабул итү вакыты сайлап алуда катнашырга теләүчеләр саны күп булу сәбәпле озайтыла. Бу стартаплар үзләренең гаризаларын яхшырак эшләсен һәм катнашу өчен проектларны сыйфатлырак әзерләсен өчен мөһим.
Старт-2 конкурсы яңа кече инновация предприятиеләре булдыруга һәм аларга ярдәм итүгә юнәлдерелгән. Ел саен Россия венчур форумы кысаларында 6 проект сайлап алына.
Конкурста интеллектуаль милеге белән теркәлгән физик затлар, «Старт-1» номинациясендә җиңүче стартаплар, сайлап алынган индустриядә тәҗрибәсе булган проектлар һәм компанияләр катнаша ала. Гаризаны сайтта 10 февральгә кадәр бирергә мөмкин.
Евразия инновацияләр үзәгенең акселерация программасы Россия һәм чит ил базарларында стартапларны тизләтү һәм масштаблау өчен эшләнгән. Катнашу өчен мәгълүмати технологияләр, әйберләр интернеты, процесслар һәм проектлар белән идарә итү, бизнес-бурычларда ИИ гамәли куллану, энергия нәтиҗәлелеге һәм экология, аграр бизнес, сәнәгый нефть химиясе һәм биотехнологияләр, мобильлекне комплекслы тәэмин итү өлкәләрендә продукт әзерлегенең югары дәрәҗәсендә булган Россия стартаплары чакырыла.
Акселераторда 8 атналык интенсив эш барышында стартаплар командалары уңышлы эшкуарлардан, инвесторлардан һәм тармак экспертларыннан проектларны үстерүдә ментор ярдәмен алачаклар.
Гаризалар 2023 елның 10 февраленә кадәр акселератор сайтында яисә Телеграмда @accelerator2023_bot аша кабул ителә.
Акселерация программасында катнашу нәтиҗәләре буенча Старт-2 стартаплар ЕИҮ һәм ТР ИВФ 15 млн сумга кадәр акча алачак, шулай ук шәхси инвесторлардан инвестицияләр җәлеп итә алачаклар.
Исегезгә төшерәбез, РВФ-2023 16 мартта «Казан Экспо» халыкара күргәзмә үзәгендә узачак.
Чара офлайн-форматта узачак, шулай ук сайтта онлайн-трансляция дә булачак. Стартаплар, инвесторлар һәм үсеш институтлары Россиядә һәм халыкара аренада тармакның киләчәк үсеше өчен яңа трендлар һәм стратегик бурычлар турында фикер алышачак.