Татарстан Республикасы Инвестиция-венчур фонды Kazan Digital Week 2025 «Бизнеска интеграцияләнгән инновацияләр» юнәлешен тәкъдим итәчәк

2025 елның 9 сентябре, сишәмбе

17-19 сентябрьдә Казан технологик лидерларны, инвесторларны һәм эшкуарларны җәлеп итү үзәгенә әвереләчәк:  Kazan Digital Week 2025  халыкара форумы узачак. Форумның төп юнәлешләренең берсе «Бизнеска интеграцияләнгән инновацияләр» трегы булачак, аны Татарстан Республикасы Инвестиция-венчур фонды оештыра.

Юнәлеш барышында технологик эшкуарлыкны үстерүнең төп мәсьәләләре: бизнеска һәм сәнәгатькә инновацион чишелешләр эзләүдән алып корпорацияләр һәм стартаплар арасында нәтиҗәле коммуникацион мәйданчыклар булдыруга кадәр фикер алышыначак. Бизнес трансформациясендә венчур базары, цифрлы платформалар һәм ясалма интеллект роленә аерым игътибар биреләчәк.

«Бизнеска интеграцияләнгән инновацияләр» юнәлешләре спикерлары әйдәп баручы корпорацияләр һәм фондлар вәкилләре булачак, алар арасында Яндекс, VK Cloud, KAMAZ Digital, МТС StartUp Hub, Taver Capital, FutureAngel.vc һәм башкалар.

Программа түбәндәгеләрне үз эченә ала:

17 сентябрь:

9А залы

• 14:00–15:45  «Венчур базарын үстерүдә бизнес-фәрештәләрнең роле» панель сессиясе.
   Катнашучылар инновацион экосистема үсешенә фәрештә инвесторларының һәм инвестицион бергәлекләрнең керткән өлешләре турында фикер алышачак.
   
• 16:00–17:45  «Сәнәгатькә венчур инвестицияләре» панель сессиясе.
   Сәнәгать секторы өчен технологик чишелешләргә венчур кертемнәренең үзенчәлеге, капитал җәлеп итүнең яңа инструментлары һәм Россия компанияләре тәҗрибәсе каралачак.

18 сентябрь:

"Идея" технопаркы. Петербург ур., 50 й.

• 10:00  – «InvestDay: Pre-IPO башлап биржага кадәр»/ «InvestDay: Pre-IPO һәм бурыч базарлары» – форумның юлдаш чарасы. Оештыручылар булып Татарстан Республикасы Икътисад министрлыгы; «Татарстан Республикасы Инвестиция-венчур фонды» КО; «Мәскәү биржасы» ГАҖ; «Идея» ИПТ» ЯАҖ тора. Чараның максаты – облигацияләрне һәм Pre-ІРО Татарстан Республикасы компанияләре өчен финанслауны җәлеп итү коралы буларак куллануны популярлаштыру. Чарада агымдагы базар трендлары турында фикер алышачаклар һәм финанслауның оптималь инструментын сайлауда ярдәм итәчәкләр.

9А залы

• 09:00–10:45   «Технологик эшкуарлыкны үстерүдә инновацион инфраструктураның роле» панель сессиясе.
   «Сколково», Мәскәү инновацион кластеры, VK Cloud һәм башка оешмалардан килгән спикерлар инновацияләргә ярдәм итү һәм пилотлык механизмнары турында сөйләячәк.
   
• 11:00–12:45  «Пилотсыз авиация системалары: цифрлы инфраструктура һәм шәһәр мохите өчен акыллы сервислар» панель сессиясе.
   Игътибар үзәгендә – БАС перспективалары, көйләү мәсьәләләре, шәһәр мобильлеге һәм кадрлар әзерләү.
   
• 14:00–15:45 – «Корпоративная инновация» номинациясе буенча «Ел инновациясе» конкурсына турыдан-туры сайлап алу.
   Стартаплар Татарстан Республикасы Инвестиция-венчур фонды, МТС StartUp Hub, Татарстан Республикасы Фәннәр академиясе һәм Иннополис университеты экспертларына проектлар тәкъдим итәчәк.

• 16:00–17:45 —  «Ясалма интеллект венчур индустриясен ничек трансформалаштыра» секциясе.
   Бизнеста ИИ-агентлар куллану, ИИ-стартаплар перспективалары һәм венчур студияләренең яңа модельләре турында фикер алышу. Спикерлар арасында –  Яндекс, МТС, Taver Capital, FutureAngel.vc һәм башка компанияләрнең вәкилләре.

Финтех экосистемасы:

12А залы

• 11:00–12:45   «Ислам финтех-хезмәтләре һәм продуктлары: Россиядә һәм БДБ илләрендә мөмкинлекләр» панель сессиясе.

1 зал

• 14:00–15:45 — «Эшкуарлар һәм стартаплар өчен ислам финтехының роле» панель сессиясе.

19 сентябрь:

2 зал

• 09:00–10:45 һәм 11:00–12:45 - «Иннополис» МИЗда стартапларны сайлап алу буенча XXIX экспертлар советы питч-сессияләре. 
   Командалар экспертларга махсус икътисадый зонаны үстерү программасына кертү өчен иң яхшы чишелешләрне билгеләячәк проектларны тәкъдим итәчәк.

5А зал

• 11:00–12:45   «Акыл мөлкәте, фән һәм инновацияләр белән идарә итү өчен цифрлы платформаларны үстерү» түгәрәк өстәле.
   Катнашучылар «Фән һәм инновацияләр» федераль доменында Татарстан Республикасы сегментын булдыру, шулай ук интеллектуаль милек белән идарә итүгә яңа алымнар турында фикер алышачаклар.

Программа корпорацияләр, инвесторлар һәм технологик эшкуарлар мәнфәгатьләрен берләштерә, бизнесның киләчәген билгели торган чишелешләрне табарга һәм гамәлгә кертергә ярдәм итә.

Форумның җентекле программасы белән танышырга һәм теркәлүне сайтта узарга мөмкин: kazandigitalweek.com.