Дамир Галиев «Россия 24» каналының «Интервью» тапшыруында Татарстанда инновацияләрне үстерү турында сөйләде
Татарстан Республикасы Инвестиция-венчур фонды директоры Дамир Галиев «Россия 24» телеканалында интервью белән чыгыш ясап, анда ул Kazan Digital Week форумында Татарстан Республикасы Инвестиция-венчур фонды юнәлеше турында сөйләде. Спикер Фондның төп өстенлекләрен, чараның яңа форматларын һәм беренче яртыеллыкның эш йомгакларын яктыртты.
Быел Татарстан Республикасы Инвестиция-венчур фонды Kazan Digital Week форумында «Бизнеска интеграцияләнгән инновацияләр» юнәлешен бишенче тапкыр оештырды. Дамир Галиев сүзләренчә, форум программасы иң яхшы цифрлы тәҗрибәләрне күрсәтүдән фәнни-технологик лидерлык, технологияләр трансферы һәм компанияләрне ІРОГА чыгарга әзерләү турында комплекслырак сөйләшүгә таба бара.
«Без сәнәгатьтә венчур һәм туры инвестицияләр, ясалма интеллект һәм пилотсыз системалар белән бәйле блокларны көчәйттек. Быел шулай ук pre-IPO һәм облигация инструментлары, тотрыклы үсеш һәм киберкуркынычсызлык турында фикер алышабыз», — дип билгеләде фонд директоры.
Интервью барышында DemoDay өчен проектлар сайлап алуга һәм халыкара стартаплар күргәзмәсенә аерым игътибар бирелде, анда экспертлар чишелешләрнең технологик өлгергәнлеген, командаларны масштаблаштыру потенциалын һәм компетенцияләрен бәяләячәк. Иң яхшы проектлар юбилейлы XX Россия венчур форумында катнашырга тәкъдим ителәчәк.
Төп вакыйгалар арасында Фонд тарафыннан Мәскәү биржасы, ТР Икътисад министрлыгы һәм «Идея» технопаркы белән берлектә оештырылган «InvestDay» иярчен чарасы да бар. Аның максаты – Татарстан компанияләренә капитал җәлеп итү инструментларын үзләштерергә ярдәм итү: облигацияләр һәм pre-IPO.
Интервьюның видеоязмасын сылтама буенча карарга мөмкин: https://vk.com/video-29290738_456239305