2025 елның беренче яртыеллыгы нәтиҗәләре: 1,1 миллиард сум күләмендә инвестицияләр
Татарстан Республикасы Инвестиция-венчур фонды (ТР ИВФ) 2025 елның беренче яртыеллыгында 18 перспектив проектны хуплады, гомуми бюджет – 1,1 миллиард сум. Бу узган ел белән чагыштырганда 270 миллионга диярлек күбрәк.
Татарстан Республикасы Инвестиция-венчур фонды инвестицион потенциалны бәяләү өчен 1 098 проектка анализ ясады, бу узган ел белән чагыштырганда 29 күбрәк. Нәтиҗәдә Университет стартап-студиясе, «Лобачевский» фонды, Сәнәгатьне үстерү фонды кебек һәм башка ярдәм программалары буенча финанслау өчен 18 проект сайлап алынды.
Хупланган проектлар арасында – тәҗрибә үрнәкләре һәм патентлар белән эшләнмәләр, шул исәптән җәяүлеләр өчен акыллы кичүләр челтәре (Россиянең 55 шәһәрендә урнаштырылган 650 комплекс), шулай ук мөстәкыйль рәвештә мускул эченә инъекцияләр ясау өчен 1 меңнән артык җайланма сату уңышлары.
Финансланган проектлар портфеле төп тармакларны колачлады: медицина (37.5%), приборлар төзү (25%), ясалма интеллект (12.5%), сәнәгать (12.5%), энергетика (6.25%) һәм автомобиль төзелеше (6.25%).
Студентларны, укытучыларны һәм тикшеренүчеләрне технологик эшкуарлыкка җәлеп итүгә аерым игътибар бирелде. Университет стартап-студиясе һәм «Лобачевский» университет венчур фонды белән берлектә ярты ел эчендә 55,9 млн. сумга 13 стартапны финанслауга ирешелде — бу үткән ел белән чагыштырганда 6,9 млн. күбрәк.
Татарстан Республикасы Рәисе Рөстәм Миңнеханов ярдәме белән фонд тарафыннан үткәрелгән технологик һәм стратегик чаралар проектларны финанслауга һәм инновацион экосистеманы ныгытуга ярдәм итте. РФ Мәгариф һәм фән министрлыгы, Цифрлы үсешкә ярдәм итү ассоциациясе, ТР Фәннәр академиясе һәм «Идея» технопаркы белән берлектә оештырылган XIX Россия венчур форумы - 2025 төп вакыйгаларның берсе булды, ул яңа рекордлар куйды: 5 меңгә якын катнашучы, 150 стартап, 9 илдән 265 спикер һәм 71 чара.
Шулай ук Россия Федерациясе һәм Татарстан Республикасы Авыл хуҗалыгы һәм азык-төлек министрлыгы белән берлектә «Агротехнологияләр һәм биотехнологияләр» өлкәсендә инновацион проектларга ярдәм итү программасын эшләтеп җибәрү дә мөһим адым булды.
Татарстан Республикасы Инвестиция-венчур фонды шулай ук бүлендек структураларны үстерүдә дә берничә инициативаны гамәлгә ашырды. «Унипарк» ҖЧҖ идарәсендә 16 сәнәгать паркы бар, анда 1 нче яртыеллыкта резидентлар саны 7 арткан һәм 185 җиткән. Татарстан Республикасы пилотсыз авиация системаларының фәнни-җитештерү үзәге 15 резидентны җәлеп иткән. Татарстан Республикасы Максатчан капитал фонды эшләгән чорда гомуми суммасы 16 млн.сумнан артыграк булган 3 максатчан капитал формалаштырылды, табышны «Ел инновациясе» республика конкурсын һәм «Фәнни алгарыш» конкурсын өлешчә финанслауга юнәлтү планлаштырыла.