Татарстан Республикасы Инвестиция-венчур фонды ТЯГ каналында «Точка опоры» тапшыруында катнашты
ТЯГ телеканалында Татарстан Республикасында технологик эшкуарлыкка ярдәм итүгә багышланган «Точка опоры» тапшыруының яңа чыгарылышы чыкты. Эфир кунаклары Татарстан Республикасының Инвестиция-венчур фонды директоры Дамир Галиев һәм инновацион стартап вәкилләре булды, алар үз тәҗрибәләре белән уртаклаштылар һәм идеяләрнең фонд ярдәмендә уңышлы проектларга әверелүе турында сөйләделәр. Программа кысаларында инноваторлар өчен «Ел инновациясе» конкурсы игълан ителде.
Эфирда Татарстанда стартаплар үсеше белән бәйле мәсьәләләрнең киң спектры турында фикер алыштылар. Дамир Галиев Татарстан Республикасы Инвестиция-венчур фондыннан ярдәм итү программалары турында сөйләде, алар эшкуарларны, идея формалаштырудан алып бизнесны киңәйтүгә кадәр, барлык этапларда озата бара. «Ел инновациясе» конкурсы турында алхәбәргә аерым игътибар бирелде, ул катнашучыларга эксперт бәяләмәсенә, инвестицияләргә һәм үсеш мөмкинлекләренә юл ача. Программа кунаклары стартап-индустриянең актуаль трендларына, шул исәптән 2025 елда инвесторларның игътибарын җәлеп итә торган юнәлешләргә кагылды һәм стартапларның беренче авырлыкларны ничек җиңеп чыгуын һәм мөһим нәтиҗәләргә ирешүен күрсәтүче уңыш тарихлары белән уртаклашты.
Тапшыруда катнашучылар үз проектларын тәкъдим иттеләр һәм практик тәҗрибәләре белән уртаклаштылар. «ГрунтСорбСервис» компаниясеннән Полина агып төшүче сулар һәм нефть шламнары утырмаларын эшкәртү технологиясе турында сөйләде, ул экологик һәм сәнәгать бурычларын хәл итә һәм тотрыклы үсешкә ярдәм итә. «ЭволюцияТех»тан Алмаз Гайсин детальләр җитештерүгә яңа алым тәкъдим итте, ул җитештерүне локальләштерүгә ярдәм итеп, чит илләрдән китереп торуга бәйлелекне киметә. «СмартСи»дан Армен Восканян алар ясаган чишелешнең юлларда аварияләрне киметергә ярдәм итүе турында аңлатты һәм проектны үстерүдә Татарстан Республикасы Инвестиция-венчур фонды белән хезмәттәшлекнең ролен ассызыклады. «Ел инновациясе 2024» конкурсында җиңүчеләр – «Пенан»дан Булат Ибраһимов һәм «Процветание»дан Гөлназ Бариева конкурста катнашу һәм инновацион проектларны эшләтеп җибәрү тәҗрибәләре белән уртаклаштылар.
Татарстанның технологик эшкуарлыкка ничек ярдәм итүе турында күбрәк белегез һәм уңыш тарихлары белән илһамланыгыз! «Точка опоры» тапшыруының тулы чыгарылышын сылтама буенча карарга мөмкин: https://vk.com/video-25135129_456261322
Татарстан Республикасының Инвестиция-венчур фонды — инновация проектларына һәм технологик эшкуарлыкка ярдәм итү өчен төзелгән коммерциягә карамаган оешма. Фонд үсешнең төрле стадияләрендә стартаплар өчен программаларны гамәлгә ашыра, грантлар, эксперт ярдәменнән һәм инвестицияләрдән файдалана алу мөмкинлеген бирә. «Ел инновациясе» конкурсы — фондның перспективалы инновацион проектларны ачыклауга һәм аларга ярдәм итүгә юнәлдерелгән төп инициативаларының берсе.