20 майга кадәр 1 млн.сумлык грант алу өчен «Студентлар стартабы» конкурсына гариза бирегез
Инновацияләргә ярдәм фонды 2024 елда VI «Студентлар стартабы» конкурсын уздыру турында игълан итте. Финанслауның гомуми күләме 2,5 млрд.сум тәшкил итәчәк, бу 2500 проектка ярдәм итәргә мөмкинлек бирәчәк. Һәр җиңүче инновацион идеяне тормышка ашыру өчен 1 млн.сум күләмендә грант алачак.
Катнашырга чакырылалар:
Россия мәгариф күзәтчелеге аккредитациясе булган Россия югары уку йортлары студентлары һәм аспирантлары, шулай ук Фонд белән гамәлдәге килешүләре булмаган һәм элегрәк «Студентлар стартабы» программасы буенча грантлар алмаган затлар.
Конкурс этаплары
- Гаризалар 2024 елның 20 маена кадәр бирелә.
- Проектларны эксперт бәяләве – конкурс комиссиясе алдында яклау.
- Җиңүчеләр белән килешүләр төзү.
- Проектларны гамәлгә ашыру һәм акчаларны максатчан куллану турында хисап бирү.
Грантны файдалану максатлары
- Прототип яки MVP (яшәүгә сәләтле минималь продукт) эшләү
- НИОКР, сынаулар һәм тикшеренүләр үткәрү
- Патентлау һәм сертификацияләү
- Маркетинг, базарда алга китеш
- Җиһазлар, программа тәэминаты һәм материаллар сатып алу
Ничек гариза бирергә?
Конкурс турында тулырак мәгълүмат, проектларга карата таләпләр һәм заявка бирү формасы Инновацияләргә ярдәм фондының рәсми сайтында урнаштырылган: https://fasie.ru/studstartup
Үз стартапыгызны үстерү өчен акча алу мөмкинлеген кулдан ычкындырмагыз! Гаризалар 2024 елның 20 маена кадәр кабул ителә.