2023 ел йомгаклары буенча Россиядә венчур килешүләре саны буенча ТР ИВФ лидер булды
Dsight бизнес-платформасы 2023 ел нәтиҗәләре буенча Евразия венчур базарын тикшерү нәтиҗәләрен бастырган. Аналитика һәм мониторинг нәтиҗәләре буенча Татарстан Республикасының Инвестиция-венчур фонды Россиядә иң актив венчур инвесторы булып киткән.
2023 елда ТР ИВФ 25 ватан стартапларына инвестицияләр керткән, бу Россиядә әлеге сегментта венчур килешүләренең 30% тәшкил итә. Фокус FinTech, Business Software, HealthCare, Transport & Logistics, BioTech, PropTech, Consumer goods&services, IndustrialTech һәм FoodTech кебек проект юнәлешләренә ясалган.
Рейтингка Россиянең шәхси һәм дәүләт венчур фондлары кертелгән. Икенче позицияне «Восход» фонды ала, ул бер елда 12 килешү төзи. Өченче урында – 11 стартапка акча керткән Moscow Seed Fund. Дүртенче позицияне 9 килешүне ябучы Kama Flow фонды алган. Бишенчесе – Хайв beeline ventures һәм 8 килешү.
Dsight мәгълүматлары буенча, 2023 елда Россия венчур базары күләме 2022 ел белән чагыштырганда 80% ка кимегән һәм $84 млн. тәшкил иткән. Шул ук вакытта бизнес-фәрештәләр активлыгы хисабына килешүләр саны 20% ка арткан. Инвестицияләрнең уртача чегы $0,48 млн тәшкил итә (2022 елда $3 млн.). Базардагы һәр дүртенче килешү дәүләт фондлары катнашында узган.
* * *
Dsight – BI-платформа (Business Intelligence) һәм Россиядә венчур базарына тулысынча тупланган иң тулы мәгълүмат базасы. Компаниянең кораллары – тикшеренүләр, мәгълүмат базалары, предиктив аналитика һәм визуализация. Dsight «Венчурлы Евразия» хисапларын елына ике тапкыр чыгара.
Татарстан Республикасы Инвестиция-венчур фонды Татарстан Республикасы Хөкүмәте тарафыннан 2004 елда республикада инновацион эшчәнлекне үстерү максатларында оештырылды. Агымдагы инновацион һәм инвестицион проектларга Фонд инвестицияләренең гомуми портфель бәясе 7,4 млрд.сум тәшкил итә. Бүгенге көндә Фондның гомуми портфелендә 671дән артык проект исәпләнә.
25 һәм 26 апрельдә Казанда Россия венчур форумы – Россия венчур индустриясенең төп вакыйгасы. Бу елда форумның төп темасы «Технология эшкуарлыгы: югары компетенцияләр киңлеге» булачак. Форумга әзерлек буенча оештыру комитеты рәисе итеп РФ фән һәм югары белем министры Валерий Фальков билгеләнде.