Сәнәгатьне үстерү фонды проектларны сәнәгатьне үстерүнең төбәкләрдәге фондлары белән уртак финанслау программалары буенча кредитның максималь суммасын 200 млн сумга кадәр арттырачак
Сәнәгатьне үстерү фондының Федераль күзәтчелек советы проектларны сәнәгатьне үстерүнең төбәкләрдәге фондлары белән уртак финанслау программалары буенча кредитның максималь суммасын 100 млн сумнан 200 млн сумга кадәр арттырачак. Мондый формада финанслау «Үсеш проектлары», «Комплектлау эшләнмәләре» һәм «Хезмәт җитештерүчәнлеге» программалары кысаларында мөмкин.
Татарстан Республикасының Инвестиция-венчур фонды 2016 елдан субъект территориясендә сәнәгатьне үстерүнең төбәк фонды функцияләренә һәм вәкаләтләренә ия. Бу юнәлеш буенча бөтен эш чорында инвестицияләрнең гомуми суммасы 644 млн сум тәшкил итте, шул исәптән Татарстан РФРП акчалары – 193 млн сум. Хәзер төбәкнең сәнәгатьне үстерү фонды дүрт программа буенча уртак заемнар бирә: «Үсеш проектлары», «Комплект эшләнмәләр», «Хезмәт җитештерүчәнлеге» һәм «Урман сәнәгате проектлары». Барлык программалар буенча ташламалы ставкалар 1 проценттан 3 процентка кадәр гамәлдә.
«Сәнәгатьне үстерү фондыннан уртак кредитларның түбән процент ставкасыннан тыш, тагын бер өстенлеге шунда ки, кредит акчалары 5 елга кадәр бирелә һәм беренче 3 елда заемчы заем буенча процентларны гына түли (бу очракта процентлар ай саен түгел, ә квартал саен түләнә), ә заемның үзен түләү аның дүртенче елыннан гына башлана, ул вакытта заемчы компаниянең проект куәтенә чыга», – дип билгеләп үтте ТР ИВФ директоры урынбасары Марсель Корбанов.
Аның сүзләренчә, кредит бирүнең яңа шартлары тагын бер мөһим үзгәреш булды. Әгәр элек кредит алу шартларының берсе инициатор тарафыннан проект бәясенең 50% кадәр финанслау булса, 2022 елның ноябреннән башлап инициаторга инвестиция проектының 20% гына җәлеп итү дә җитә.
Җентеклерәк: https://ivf.tatarstan.ru/frp.htm