ТР Инвестиция-венчур фонды ТР эре сәнәгать предприятиеләре, идарәче компанияләр һәм сәнәгать парклары резидентлары белән очрашуда катнашты
Чара «Химград» технополисы мәйданчыгында узды, аны Татарстан Республикасы Икътисад министрлыгы һәм Татарстан Республикасы Предприятиеләре һәм сәнәгатьчеләре берләшмәсе оештырды. Татарстан Республикасы Инвестиция-венчур фондыннан директор урынбасары Марсель Корбанов һәм «Унипарк» ҖЧҖ генераль директоры Марат Шакиров катнашты.
Очрашуның беренче өлеше резидентлар күргәзмәсе форматында узды, анда компанияләр, шул исәптән Татарстан Республикасы Инвестиция-венчур фонды карамагындагы «Алексеевское» һәм «Саба» сәнәгать парклары үз продукциясен тәкъдир иттеләр. Идарәче компанияләр, үз чиратында, производстволарны урнаштыру өчен мөмкинлекләр тәкъдим иттеләр.
Икенче өлештә, республиканың 100дән артык кече һәм урта эшкуарлык вәкилләре җыелган түгәрәк өстәлдә, шулай ук республиканың эре предприятиеләре җитәкчеләре эшкуарлыкны үстерүнең актуаль мәсьәләләре һәм ярдәм чаралары турында фикер алыштылар.
Кереш сүз белән Татарстан Республикасы икътисад министрының беренче урынбасары Айрат Шәмсиев чыгыш ясады. Ул билгеләп үткәнчә, очрашуның максаты – сәнәгать паркларының резидентлары – эре предприятиеләр һәм КУЭ субъектлары арасында хезмәттәшлекне оештыру, шулай ук сәнәгать паркларының мөмкинлекләрен һәм потенциалын тәкъдир итү.
Татарстан Республикасы Инвестиция-венчур фонды программалары турында Татарстан Республикасы Инвестиция-венчур фонды директоры урынбасары Марсель Корбанов сөйләде. Ул билгеләп үткәнчә, Россия предприятиеләре өчен Фонд белән хезмәттәшлек итү финанс җәлеп итү коралы булып тора. Инвестицияләр хисабына сәнәгать компанияләре производстволарны модернизациялиләр, куәтләрен арттыралар һәм үз продукциясен импортны алмаштыру һәм конкурентлыкка сәләтле итү өчен заманча технологияләр кертәләр.
«Безнең программалар нигезендә оешмалар 100 млн. сумга кадәр ташламалы финанс алырга мөмкин. Моннан тыш, әйләнештәге акчаларны тулыландыруга банк кредитлары буенча процентларны компенсацияләү программасы гамәлдә, анда катнашып, предприятиеләр кредитлар буенча хезмәт күрсәтү чыгымнарының 90% кадәр өлешен кире кайтара ала», – дип билгеләп үтте Марсель Корбанов.
Түгәрәк өстәлнең рәсми өлешеннән соң, В2В-клиентлар белән сөйләшүләрдә компанияләрнең продукциясе тәкъдим ителде һәм киләчәктә партнерларның үзара багланыш мөмкинлекләре турында фикер алышынды.