ТР ИВФ оештырган вебинарда бизнеска интеграцияләнгән инновацияләр турында фикер алыштылар
Kazan Digital Week-2022 халыкара форумына әзерлек кысаларында инновацияләр мәсьәләләре буенча вебинар узды, чараның модераторы Татарстан Республикасы Инвестиция-венчур фондының инновацион эшчәнлекне үстерү бүлеге башлыгы Радик Гыймаев булды.
INVESTORO халыкара инвесторлар оешмасы президенты Виталий Полехин Россиянең эре уенчылары турында, шулай ук инвесторлар ягыннан технологик эшләнмәләргә һәм стартапларга ярдәм итү чаралары турында сөйләде.
Санкт-Петербургның фәнни-техник үсеш төбәк фонды башкарма директоры Игорь Гладких Kazan Digital Week-2022 халыкара форумында венчур тематикасы буенча көн тәртибе юнәлешләрен яңгыратты һәм Россиядә deep tech проектларының арту тенденциясен билгеләп үтте.
Вебинарда СЕО һәм ИРБИСТЕХ баш конструкторы Артур Гыймадиев бизнес карашын тәкъдим итте, ул үз компаниясен тәкъдим итте һәм проектның инновацион өлешен ачты.
CloudD операцияләр директоры Руслан Кабаберидзе, авыл хуҗалыгы предприятиеләре еш кына производство процесслары белән идарә итү һәм үзәкләшкән мониторинг катлаулылыклары белән очраша, дип билгеләп үтте. Ул шулай ук CloudD командасы тарафыннан эшләнгән, авыл хуҗалыгында бу проблеманы хәл итәргә мөмкинлек бирүче болытлы платформаны да тәкъдир итте.
Бөтен дискуссияне https://www.youtube.com/watch?v=TzkHArlx_9E сылтамасы аша тыңларга һәм вебинарның видеоязмасын карарга мөмкин.