"Татарстан Республикасының инвестиция-венчур фонды” коммерцияле булмаган оешмасы масскүләм мәгълүмат чаралары профессиональ журналистлары бәйгесенә гаризаларны кабул итүне дәвам итә.

“Татарстан Республикасының инвестиция-венчур фонды” коммерцияле булмаган оешмасы масскүләм мәгълүмат чаралары профессиональ журналистлары арасында (штаттагы, штаттан тыш) эшләүчеләр өчен “ Татарстан Республикасында венчур бизнес эшчәнлеген массакуләм мәгълүмат чараларында иң яхшы чагылдыру” бәйгесенә гаризалар кабул итә.

Бәйгенең төп бурычы булып, Татарстан Республикасында инновацион потенциалны күтәрүне күздә тотып, массакүләм мәгълүмат чараларында венчур бизнесын яктырту һәм шул юнәлештә эшләүче журналистларның хезмәтен бәяләү тора.
 
Бәйгегә җибәрелгән материалларда (тапшырулар, сюжетлар һәм мәкаләләр) инновацияләрнең темалары, атап әйткәндә, Татарстан Республикасы өчен инновацион перспективага һәм киләчәктә коммерцияләү потенциалына ия булган тикшеренүләр; Татарстан Республикасында уңышлы тормышка ашырыла торган инновацион-технологик бизнес-проектлар; инновацион-технологик эшмәкәрлекне үстерүгә уңайлы шартлар тудыруга юнәлтелгән эшчәнлек; аерым эшмәкәрләрнең уңышка ирешү тарихы һәм инновация процессына тартылган аерым шәхесләрнең инициативалары чагылырга тиеш.

Бәйге эшләрен сайлап алуның төп критерийлары:

• публикацияләрнең киң аудитория өчен кызыклы булуы;
• сюжет яисә публикацияләрнең бәйге темасына туры килүе;
• публикацияләрнең төгәл, ачык һәм аңлаешлы булуы;
• сюжетларның стилистик яктан үзенчәлекле һәм профессиональ булуы;
• сюжет һәм публикацияләрнең бары тик төгәл һәм ышанычлы мәгълүматларга нигезләнүе.

Бәйгегә гаризалар электрон рәвештә 2013 елның 1 апреленнән – 15 октябрьгә кадәр reception@ivfrt.com адресы буенча кабул ителә.

Бәйгедә юлланган материаллар бәйге советы тарафыннан 2013 елның 16 октябреннән – 30 ноябрьгә кадәр тикшереләчәк.
Бәйгенең җиңүчеләренә түбәндәге бүләкләр билгеләнгән:

1нче премия – 50 000 сум;
2нче премия – 30 000 сум;
3нче премия – 20 000 сум.

Йомгаклау һәм җиңүчеләрне бүләкләү тантаналы церемониядә узачак. Церемония вакыты аерым хәбәр ителәчәк.

Бәйге нәтиҗәләре һәм җиңүчеләр исемлеге массакүләм мәгълүмат чараларында яктыртылачак һәм ТР ИВФ рәсми сайтында хәбәр ителәчәк. Шулай ук әлеге мәгълүматны ТР Министрлар Кабинеты оешмалары сайтының Хөкүмәт порталында карарга мөмкин (ivf.tatarstan.ru).

Гаризалар кабул итүнең билгеләнгән вакытыннан тыш килгән гаризалар каралмый. Бәйгедә катнашу түләүсез.