«Яңа заман өчен көчле идеяләр» форумына гаризалар кабул ителә башлады
«Яңа заман өчен көчле идеяләр» форумына гаризалар кабул ителә башлады, ул инде дүртенче тапкыр узачак. Форумны оештыручылар – Стратегик инициативалар агентлыгы һәм Росконгресс фонды, өстәмә оештыручылар – ВЭБ.РФ. Идеяне идея.росконгресс.рф платформасында 2024 елның 31 гыйнварына кадәр бирергә мөмкин. Экспертлар топ-1000 һәм топ-100 идеяләрен сайлап алачак, иң яхшы тәкъдимнәрне март аенда ил җитәкчелегенә тәкъдим итәчәкләр.
Идеяләр һәм тәкъдимнәр «Халыкның тормыш сыйфаты», «Икътисад һәм эшкуарлыкны үстерү», «Тормыш өчен киңлек», «Эффектив хезмәт һәм мәгариф», «Технологик үсеш», «Мәгълүматлар икътисады һәм цифрлы чишелешләр» һәм «Эффектив дәүләт» номинацияләре буенча кабул ителә. Россиянең теләсә кайсы кешесе гариза бирә ала. Моның өчен платформада теркәлү һәм кирәкле номинацияне сайлау да җитә.
Беренче «Яңа заман өчен көчле идеяләр» форумы 2020 елда узды. Россия Президенты Указы нигезендә форум ел саен үткәрелә башлады. Өч ел эчендә ул 400 меңнән артык кешене берләштерде. Беренче елда 14 768 инициатива һәм проект җыелган, 2022 елда лидерлар илне үстерү өчен 19 512 идея тәкъдим иткән, 2023 елда – 23 563.
Ел саен агентлыктан, форум партнерларыннан, төбәк хакимиятләреннән 1000гә якын идея төрле ярдәм коралларын ала.
31 гыйнварга кадәр идея.россконгресс.рф сайтында идея өчен гариза бирегез.